ማርኮ ሩቢዮ ስለ ኢትዮጵያ ወቅታዊ ሁኔታ አስተያየታቸውን ሰጡ

የአሜሪካ የውጭ ጉዳይ ሚኒስትር ማርኮ ሩቢዮ በኢትዮጵያ እየተንቀሳቀሱ ያሉትን ኃይሎች "ተገንጣይ ቡድኖች" በማለት የገለፁ ሲሆን፣ የፌዴራል መንግሥት ለእነዚህ ቡድኖች እየሰጠ ያለውን ምላሽ አሜሪካ እንደምትረዳ አስታውቀዋል። ሚኒስትሩ በተለይም በአዲስ አበባ ላይ የተፈጸመውን የድሮን ጥቃት "የሽብር ተግባር" በማለት አውግዘዋል። በተጨማሪም በኢትዮጵያ እና በኤርትራ ድንበር አካባቢ የታየው ወታደራዊ ክምችት ለሰፊ ቀጠናዊ ጦርነት ሊዳርግ እንደሚችል ስጋታቸውን ገልጸዋል።

ሩቢዮ መንግሥት ለተገንጣይ ቡድኖች የሚሰጠው ምላሽ ጥንቃቄ የተሞላበት እና ሚዛናዊ ሊሆን እንደሚገባ አሳስበዋል። አሜሪካ በኢትዮጵያ ላይ የነበሩትን አነስተኛ የጦር መሣሪያ ማዕቀቦች ያነሳችው ለሰላም ማስከበር ጥረት እንጂ ከወቅታዊው ሁኔታ ጋር ቀጥተኛ ግንኙነት እንደሌለው አስረድተዋል። ሚኒስትሩ አሜሪካ ከኢትዮጵያ ጋር ጠንካራ ግንኙነት እንዳላት በመግለጽ፣ ዓለም ተጨማሪ ጦርነት እንደማትፈልግ አጽንኦት ሰጥተዋል።