Maarkoo Ruubiyoo haala yeroo Itoophiyaa ilaalchisee yaada kennan

Ministirri Dhimmi Alaa Ameerikaa Maarkoo Ruubiyoo, gareewwan Itoophiyaa keessatti mootummaa federaalaa irratti waraana gaggeessaa jiran "garee adda ba'uu fedhan" jedhanii waamuun, mootummaan federaalaa tarkaanfii fudhatu Ameerikaan akka hubattu ibsanii jiru. Ministirichi haleellaa doonii (drones) Finfinnee irratti raawwatame "gocha shororkeessummaa" jechuun balaaleffataniiru. Akkasumas, daangaa Itoophiyaa fi Eertraa irratti humni waraanaa walitti qabamuun isaa waraana naannichaa bal'aa ta'e kaasu danda'a jechuun yaaddoo ibsataniiru.

Ruubiyoo mootummaan tarkaanfii gareewwan kana irratti fudhatu of eeggannoo fi madaallii kan qabaachuu qabu ta'uu hubachiisaniiru. Ameerikaan dhiyeenya kana dhiibbaa meeshaa waraanaa xixiqqoo Itoophiyaa irraa kaasuun ishee, carraaqqii nagaa fi araaraaf malee haala yeroo ammaa waliin walitti dhufeenya qajeelaa kan hin qabne ta'uu ibsaniiru. Ministirichi Ameerikaan Itoophiyaa wajjin walitti dhufeenya cimaa akka qabdu ibsuun, addunyaan waraana biraa akka hin barbaanne jala muranii dubbataniiru.