የአዲስ አበባ ጸጥታ ቢሮ በህገ ወጥ የይለፍ ወረቀት ተጠቃሚዎች ላይ ቁጥጥር ሊያደርግ ነው

የአዲስ አበባ ሰላምና ጸጥታ አስተዳደር ቢሮ ህገ-ወጥ የይለፍ ወረቀት (Pass) በመጠቀም ህግን የሚተላለፉ አሽከርካሪዎች ላይ ጥብቅ ቁጥጥር እንደሚደረግ አስታወቀ። ቢሮው በከተማዋ ለሚከናወኑ ኩነቶች ፈቃድ አሰጣጥ ሥርዓት እንዳለ ገልጾ፣ አንዳንድ አካላት በሐሰተኛ ሰነድ የይለፍ ወረቀት በመጠቀም ህግ እያፈረሱ መሆኑን አስታውቋል።

እነዚህ ህገ-ወጦች የትራፊክ ቁጥጥርን መጣስ፣ ከመጠን በላይ በፍጥነት ማሽከርከር፣ ከተፈቀደው መስመር ውጪ መንዳት እና ያለአግባብ የVIP ፈቃዶችን መጠቀምን የመሳሰሉ ጥሰቶችን እየፈጸሙ ነው። የከተማ አስተዳደሩ እነዚህን ድርጊቶች ለማስቆምና ተጠያቂ ለማድረግ እርምጃ እየወሰደ መሆኑን ገልጿል። ነዋሪዎችም ህገ-ወጥ ድርጊቶችን ሲመለከቱ በነፃ የስልክ መስመር 8882 ለጸጥታ አካላት ጥቆማ እንዲሰጡ ተጠይቀዋል።