በአርሲ ዞን በታጣቂዎች በተፈጸመ ጥቃት 6 ሰዎች ተገድለዋል

በኦሮሚያ ክልል አርሲ ዞን በሚገኙ የሆንቆሎ ዋቤ እና ሺርካ ወረዳዎች ታጣቂዎች በፈጸሙት ተከታታይ ጥቃት ስድስት ሰዎች መገደላቸውን የአካባቢው ቤተክህነት አስታወቀ። በጥቅምት ወር መጀመሪያ ላይ በተፈጸመው ጥቃት በሆንቆሎ ዋቤ ወረዳ ሦስት ሰዎች፣ በሺርካ ወረዳ ደግሞ ተጨማሪ ሦስት ሰዎች መገደላቸው ተረጋግጧል። በሺርካ ወረዳ አምስት ሌሎች ግለሰቦች ታግተው የተወሰዱ ሲሆን አንድ ሰው መቁሰሉን ቤተክህነቱ ገልጿል። በተጨማሪም ታጣቂዎቹ ወደ 50 የሚጠጉ ከብቶችን ዘርፈው ወስደዋል። የአካባቢው የቤተክህነት አመራሮች በክልሉ ተደጋጋሚ ጥቃቶች ስጋት እንደፈጠሩና ሁኔታው እየተለመደ በመምጣቱ ድምፅ አጥቷል ሲሉ ገልጸዋል። የሟቾችንና የታጋቾችን ስም ዝርዝር ይፋ ያደረገው የቤተክህነቱ መዋቅር፣ መንግሥት ለአካባቢው ነዋሪዎች ዘላቂ የጸጥታ መፍትሄ እንዲሰጥና ተፈናቃዮች እንዲመለሱ ጥሪ አቅርቧል።