Mummichi Ministeeraa Abiy Ahimad mootummaa Eertiraarratti akeekkachiisa cimaa kennan

Mummichi Ministeeraa Abiy Ahimad gaafii fi deebii televijiinii biyyoolessaa waliin taasisaniin, mootummaan Eertiraa (Sha'ibiyan) gocha isaa kan balleessaa dhaabu qaba jechuun akeekkachiisan. Mummichi Ministeeraa akka jedhanitti, mootummaan Eertiraa meeshaa diina Itoophiyaa waan ta'eef, guddina Eertiraa gufachiiseera. Eertiraan erga bilisummaa booda beekamtii industirii fi dinagdee akka dhabde yaadachiisanii, magaalonni akka Asmara, Massawaa fi Assab yeroo darbe waliin yoo madaalamu gadi bu'uu isaanii eeran.

Mummichi Ministeeraa rakkoon Eertiraa gargaarsa alaatiin kan furamu miti jedhan. Mootummaan Eertiraa akka hiriyyaa misoomaatti osoo ta'uu akka meeshaa diinotaatti fayyadamuun naannichaaf balaa ta'uu ibsan. Waggaa 35 darbe waliin jiraachuu gaariin akka itti fufuuf waamicha dhiyeessanii, waamicha kana tuffachuun balaa hamaa kan fidu ta'uu akeekkachiisan.