የኢትዮ ቴሌኮም የዋና ሥራ አስፈጻሚ ሹመት መረጃ ሐሰተኛ መሆኑ ተገለጸ

ኢትዮ ቴሌኮም በማኅበራዊ ሚዲያዎች ኢንጂነር ታከለ ኡማ የድርጅቱ ዋና ሥራ አስፈጻሚ ሆነው ተሾሙ በሚል የሚሰራጨው መረጃ ሐሰተኛ መሆኑን አሳውቋል። ኩባንያው ለቲክቫህ ኢትዮጵያ እንደገለጸው፣ ወይዘሪት ፍሬሕይወት ታምሩን በመተካት የተደረገ ሹመት የለም። ይልቁንም፣ የድርጅቱ ዋና የቴክኖሎጂ ኃላፊ (CTO) የነበሩት አቶ ታሪኩ ደምሴ ተቋሙን በተጠባባቂ ዋና ሥራ አስፈጻሚነት እንዲመሩ መመደባቸውን አመልክቷል። ይህ ምደባም የውስጥ አሠራርን የተከተለ መሆኑን እና ቋሚ ዋና ሥራ አስፈጻሚ የመሾም ሥልጣን የኢትዮ ቴሌኮም የሥራ አመራር ቦርድ ብቻ መሆኑን ተቋሙ አስረድቷል።