በትግራይ ዩኒቨርሲቲዎች መምህራን ለወራት ደመወዝ አልተከፈላቸውም

በትግራይ ክልል በሚገኙ የመንግሥት ዩኒቨርሲቲዎች የሚያስተምሩ መምህራን ለረጅም ወራት ደመወዝ ሳይከፈላቸው መቆየቱ ተገልጿል። የኢትዮጵያ ዩኒቨርሲቲዎች መምህራን ማህበር እንደገለጸው፣ በአክሱም፣ ዓዲግራት እና ራያ ዩኒቨርሲቲዎች የ12 ወራት እንዲሁም በመቐለ ዩኒቨርሲቲ የ14 ወራት ደመወዝ አልተከፈለም።

ይህ ክፍያ አለመፈጸም መምህራኑንና ቤተሰቦቻቸውን ለከባድ የኢኮኖሚ ችግር ዳርጓቸዋል። የኢትዮጵያ ዩኒቨርሲቲዎች መምህራን ማህበር ጉዳዩን ቅድሚያ ሰጥቶ በመመልከት፣ መምህራኑን ለመደገፍ ጊዜያዊ የገንዘብ ማሰባሰብ ስራ መጀመሩን አስታውቋል። ተጠቃሚ የሚሆኑ መምህራንን ለመለየት ማጣራት እየተደረገ ሲሆን፣ ድጋፉ የሚሰጥበትን ዝርዝር ሁኔታ ወደፊት ይፋ እንደሚያደርጉ ገልጸዋል።