የብፁዕ አቡነ ሉቃስ ሥርዓተ ቀብር ተፈጸመ

የሰቲት ሁመራ ወልቃይት ጠገዴ ሀገረ ስብከት ሊቀ ጳጳስ እና የቅዱስ ሲኖዶስ የቀድሞ ዋና ጸሐፊ ብፁዕ አቡነ ሉቃስ ሥርዓተ ቀብር ጥቅምት 12 ቀን 2019 ዓ.ም በመንበረ ጸባዖት ቅድስት ሥላሴ ካቴድራል ተፈጽሟል። በሥርዓተ ቀብሩ ላይ የኢትዮጵያ ኦርቶዶክስ ተዋሕዶ ቤተክርስቲያን ፓትርያርክ ብፁዕ ወቅዱስ አቡነ ማትያስ ተገኝተው ማጽናኛ መልዕክት አስተላልፈዋል። ፓትርያርኩ ብፁዕ አቡነ ሉቃስ ቤተክርስቲያንን በታማኝነት ያገለገሉ፣ ትልቅ የሥራ ድርሻ የነበራቸው አባት እንደነበሩ ተናግረዋል። ከሥርዓተ ቀብሩ አስቀድሞ በተደረገው የሽኝት መርሐ ግብር ለቤተክርስቲያን መጠናከር እና ለምዕመናን መብት የነበራቸው አስተዋጽኦ ተዘክሯል።