Mootummaan naannoo Tigraay mindaa hojjettootaa kaffaluu jalqabuu ibse

Bulchiinsi naannoo Tigraay hojjettoota mootummaa naannichaa hundaaf mindaa kaffaluu akka jalqabu beeksise. Hojii raawwachiisaa gurmaa'insa siyaasaa fi uummataa kan ta'an obbo Rada'ii Haalafom akka jedhanitti, hojjettoonni siivil sarvisii hojiitti akka deebi'an ajajni kennameera. Qorannoon haala mijataa fi mindaan kaffalamuuf qophiin taasifame xumurameera. Hojjettoonni gara iddoo hojiitti deebi'anii gabaasa akka godhanis hubachiisaniiru. Obbo Rada'ii akka ibsanitti, hojjettoonni erga hojii jalqabanii guyyoota muraasa keessatti kaffaltiin mindaa ni raawwatama. Tarkaanfiin kun rakkoo dinagdee hojjettoota naannichaa mudatee ture salphisuuf kan karoorfameedha.