የአዲስ አበባ ገቢዎች ቢሮ ከመኪና ንግድ ጋር በተያያዘ ቁጥጥር እንደሚቀጥል አስታወቀ

የአዲስ አበባ ገቢዎች ቢሮ በከተማዋ እየተወሰዱ ያሉት የመኪና ንግድ ቁጥጥር እርምጃዎች ጊዜያዊ ሳይሆኑ እንደሚቀጥሉ አስታውቋል። የአዲስ አበባ ገቢዎች ቢሮ ኃላፊ አቶ መሐመድ አብዱራህማን እንደገለጹት፤ በክልል የመኪና አስመጪነት የንግድ ፈቃድ ያለው አካል መኪናውን መሸጥ ያለበት ፈቃዱን ባወጣበት ክልል ብቻ ነው። በአዲስ አበባ ከተማ ውስጥ መነገድ የሚፈልጉ አስመጪዎች ካሉ የክልል ንግድ ፈቃዳቸውን በመጥቀስ የሽያጭ ሂደቱን መፈጸም እንዳለባቸው ቢሮው አስታውቋል። አንዳንድ አስመጪዎች እርምጃው ጊዜያዊ እንደሆነ ቢገምቱም፣ ቢሮው ግን ህጉን የማስከበር ስራው ተጠናክሮ እንደሚቀጥል አረጋግጧል።