Biiroon Galii Finfinnee daldala konkolaataa irratti to'annoon itti fufuuf jiraachuu ibse

Biiroon Galii Finfinnee tarkaanfiin to'annoo daldala konkolaataa magaalaa sana keessatti fudhatamaa jiru yeroof kan hin turreefi itti fufuuf akka jiru beeksiseera. Hoji gaggeessaan Biiroo Galii Finfinnee Obbo Mahaammad Abdurahmaan akka ibsanitti, qaamni heyyama daldalaa galchituu konkolaataa naannolee qabu, konkolaataa isaa gurguruu kan qabu naannoo heyyamni isaa itti bahe qofa keessatti. Namoonni Finfinnee keessatti daldaluu barbaadan immoo, heyyamni daldalaa naannoo isaanii akka seeraatti fayyadamuu akka qaban biiroon kun hubachiiseera. Daldaltoonni tokko tokko tarkaanfichi kan yeroo akka ta'e yaadanus, biiroon kun seera kabajchiisuun akka itti fufu mirkaneesseera.