Godina Arsii keessatti namoonni 60 ajjeefaman - Sinoodoosii Qulqulluu

Sinoodoosii Qulqulluu Mana Kiristaanaa Ortodoksii Tawaahidoo Itoophiyaa, Godina Arsii, Aanaalee Martii fi Sherkaa keessatti haleellaa raawwatameen namoonni 60 ajjeefamuu isaanii beeksise. Haleellaa Onkoloolessa 10 fi 14 raawwatameen, aanaa Martii keessatti namoonni 14 fi aanaa Sherkaa keessatti namoonni 46 ajjeefamaniiru. Kana malees, manni jireenyaa 20 gubatee, namoonni 20 ol immoo miidhaa hamaa irra ga'eera.

Sinoodoosichi haleellaa kana balaaleffachuun, mootummaan nageenya lammiilee akka eeguu fi yakka raawwattoota seeratti akka dhiyeessu gaafateera. Mana kiristaanattis gaddi labsamee, sirni kadhannaa addunyaa maratti akka geggeeffamu kan murteessite yoo ta'u, mootummaa wajjin mari'achuun rakkoo kana furuuf akka hojjettu ibsiteerti.