ኢትዮጵያ እና የተባበሩት አረብ ኤምሬቶች ወታደራዊ ትብብራቸውን ለማጠናከር ተስማሙ

የኢትዮጵያ መከላከያ ሚኒስቴር እንዳስታወቀው፣ ኢትዮጵያ እና የተባበሩት አረብ ኤምሬቶች ወታደራዊ ትብብራቸውን ይበልጥ ለማጠናከር ተስማምተዋል። የመከላከያ ሚኒስትር መሐመድ እድሪስ ከኤምሬቶች አምባሳደር አብደላ ሀሰን አልሻምሲ ጋር ተወያይተዋል። በውይይቱ ወቅት ሚኒስትሩ ኤምሬቶች ለመከላከያ ሚኒስቴር የልማት ድርጅቶች የግንባታ ፕሮጀክቶች እያደረጉ ስላለው ድጋፍ ምስጋና አቅርበዋል። አምባሳደር አልሻምሲ በበኩላቸው፣ የሁለቱ ሀገራት ስትራቴጂያዊ አጋርነት ተጠናክሮ እንደሚቀጥል አረጋግጠዋል። ሁለቱ ወገኖች በጋራ ብሔራዊ ጥቅማቸው ላይ የተመሠረተ የሁለትዮሽ ግንኙነታቸውን ወደ ላቀ የወታደራዊ ትብብር ደረጃ ለማሸጋገር ቁርጠኛ መሆናቸውን ገልጸዋል።