ኢትዮጵያን ሕቡራት ኢማራትን ወታደራዊ ምትሕብባረን ንምጥያኽ ተሰማሚዖም

ሚኒስትር ምክልኻል ኢትዮጵያ ከም ዝሓበሮ፣ ኢትዮጵያን ሕቡራት ኢማራትን ወታደራዊ ምትሕብባረን ንምድልዳል ተሰማሚዖም ኣለዉ። ሚኒስትር ምክልኻል መሓመድ እድሪስ ምስ ኣምባሳደር ሕቡራት ኢማራት ዓረብ ዓብደላ ሓሰን ኣልሻምሲ ተዘራሪቦም። ኣብቲ ርክብ፡ ሚኒስትር መሓመድ እቶም ኣምባሳደር ንፕሮጀክትታት ህንጻ ትካላት ልምዓት ሚኒስትር ምክልኻል ዝገብርዎ ዘለዉ ሓገዝ ኣመስጊኖም። ኣምባሳደር ኣልሻምሲ ብወገኖም፡ እቲ ክልተ ሃገራት ዘለወን ስትራቴጂካዊ ምሕዝነት ብዝያዳ ክቕጽል ምዃኑ ኣረጋጊጾም። እቶም ክልተ ወገናት ኣብ ድሌት ሃገራቶም ዝተመርኮሰ ክልተኣዊ ዝምድና ናብ ዝለዓለ ደረጃ ወታደራዊ ምትሕብባር ንምስግጋር ከም ዝተሰማምዑ ተገሊጹ።