መሶብ ዲጂታል የመንግስት አገልግሎት በመቐለ ከተማ ሊጀመር ነው

የመሶብ የአንድ ማእከል ዲጂታል የመንግስት አገልግሎት በቅርቡ በትግራይ ክልል መቐለ ከተማ ስራውን እንደሚጀምር ታውቋል። ይህ አገልግሎት ቀደም ሲል በሌሎች የሀገሪቱ ዋና ዋና ከተሞች ሲሰጥ የቆየ ሲሆን፣ አሁን ደግሞ በፌደራል መንግስት በተቀመጠው አቅጣጫ መሰረት በትግራይ ተግባራዊ እንዲሆን እንቅስቃሴ ተጀምሯል። የመቐለ ከተማ ባለአደራ አስተዳደር ከንቲባ ዶክተር ሽሻይ መረሳ፣ ወጣት ስምኦን ተስፋማርያምን የከተማዋ የመሶብ አገልግሎት ኃላፊ አድርገው ሾመዋል። አዲሱ ኃላፊ አገልግሎቱን ከጥቅምት 17 ቀን 2019 ዓ.ም ጀምሮ የመምራት ኃላፊነት ተረክበዋል።