Wag Hemraatti sababa goginsaan haadholii fi ijoolleen beela hamaaf saaxilaman

Aanaalee Wag Hemraa keessatti, sababa jijjiirama qilleensaa (El-Nino) roobni waan dhabameef, uummanni rakkoo beelaa cimaaf saaxilameera. Waajjirri Fayyaa aanaa akka ibsetti, qorannoo ganda 13 keessatti taasifameen, ijoollee 7,968 keessaa 4,350 hanqina nyaataa qabu; isaan keessaa 300 ammoo gargaarsa ariifachiisaa barbaadu.

Kana malees, haadholii ulfaa fi harma hoosisan 1,818 qoratamani keessaa 1,672 hanqina nyaataa akka qaban mirkanaa'eera. Jiraattonni haalli haadholii fi ijoollee hammaachaa waan jiruuf, mootummaan fi qaamoleen gargaarsaa hatattamaan gargaarsa akka godhan gaafataniiru.