በደቡብ ወሎ በደረሰ የድሮን እና የመድፍ ጥቃት 14 ሰዎች ተገደሉ

ጥቅምት 19 ቀን 2019 ዓ/ም በአማራ ክልል ደቡብ ወሎ ዞን፣ ተወለደሬ ወረዳ በሚገኘው የቱርክ ካምፕ የውስጥ ተፈናቃዮች መጠለያ ጣቢያ በደረሰ የድሮን እና የመድፍ ጥቃት 14 ሰላማዊ ሰዎች ሕይወታቸው ማለፉ ተዘገበ። 22 ሰዎች ደግሞ ከባድ ጉዳት እንደደረሰባቸው የካምፑ ነዋሪዎች ገልጸዋል። ጥቃቱ ከቀኑ 5:30 እስከ 6:00 ሰዓት እንደተፈጸመ የተገለጸ ሲሆን፣ ተማሪዎች ከትምህርት ቤት ሲመለሱም ተጎድተዋል። ነዋሪዎቹ ከአደጋው በፊት የድሮን ቅኝት ሲደረግ እንደነበር አስታውሰዋል። የካምፑ ነዋሪዎች በአካባቢው የፋኖ ታጣቂዎች እንዳሉና ጥቃቱ እነሱን ኢላማ ያደረገ ሊሆን እንደሚችል ቢገምቱም፣ ጥቃቱ ግን ሙሉ በሙሉ በተፈናቃዮች መጠለያ ላይ ማረፉን ተናግረዋል። ቲክቫህ ኢትዮጵያ የሟቾች ቁጥር 10 ይደርሳል ሲል ዘግቧል።