የዓዲግራት ከተማ ፖሊስ ራሱን ማደራጀቱንና ወንጀለኞችን በቁጥጥር ስር ማዋሉን አስታወቀ

የዓዲግራት ከተማ ፖሊስ አዛዥ ኢንስፔክተር አታክልቲ ገብረህይወት፣ በከተማዋ ተፈጥሮ የነበረውን የጸጥታ ችግር ለመፍታት ፖሊስ አወቃቀሩን መልሶ ማደራጀቱን አስታወቁ። በጦርነቱ ወቅት ከ600 በላይ እስረኞች እና ከ150 በላይ ተጠርጣሪዎች ከእስር ተለቀው እንደነበር የገለጹት አዛዡ፣ ይህ ሁኔታ ለዘረፋና ለስርቆት መባባስ ምክንያት ሆኖ እንደነበር ጠቅሰዋል። በአሁኑ ወቅት ከ95 በመቶ በላይ የፖሊስ አባላት ወደ ሥራ ተመልሰዋል። የጸጥታ መዋቅሩን በማጠናከር በተደረገው ኦፕሬሽን ከ32 በላይ ፍርደኞች፣ 47 ተጠርጣሪዎች እና ስድስት የሚፈለጉ ወንጀለኞች በቁጥጥር ስር ውለዋል።