Basiiwwan magaalotaa 26 gaazii uumamtiin hojjechuuf ta'an; basiiwwan haaraa 400 galuuf jiru

Muummichi Ministeeraa Abiy Ahmed basiiwwan magaalaa 26 boba'aarraa gara gaazii uumamaatti jijjiiramanii hojii eegaluusaanii ibsaniiru. Tarkaanfiin kun kaffaltii alaa boba'aatiif ba'u qusachuuf, baasii tajaajila geejjiba baajatame hir'isuufi gatii geejjiba imaltootaa walakkaan hir'isuuf kan kaayyeffatedha. Hojiin kun gaazii iddoo oomishamu irraa gara Finfinneetti geejjibsiisuufi buufataalee gaazii ijaaruu kan dabalatu yoo ta'u, dandeettii biyya keessatti fayyadamuun ce'umsa teeknooloojii fiduuf kan hojjetameedha. Kana malees, hirkattummaa boba'aa hir'isuufi itti fayyadama gaazii uumamaa bal'isuuf, basiiwwan haaraa gaazii uumamaatiin hojjetan 400 gara biyyattii akka galan ibsameera.