26 አውቶቡሳት ብተፈጥሮ ጋዝ ክሰርሓ ጀሚረን፤ 400 ሓደስቲ አውቶቡሳት እውን ክኣትዋ እየን

ቀዳማይ ሚኒስትር ዓቢይ ኣሕመድ 26 አውቶቡሳት ካብ ነዳዲ ናብ ተፈጥሮኣዊ ጋዝ ተቐይረን ስርሐን ከም ዝጀመራ ኣፍሊጦም። እዚ ስጉምቲ እዚ፡ ነዳዲ ንምዕዳግ ዝወጽእ ወጻኢ ሸርፊ ወጻኢ ንምድሓን፡ ወጻኢታት ትራንስፖርት ንምቅናስ ከምኡውን ዋጋ መገሻ ብፍርቂ ንምቅላል ዝዓለመ እዩ። እቲ ፕሮጀክት ነቲ ጋዝ ካብ መፍረዪ ቦታ ናብ ኣዲስ ኣበባ ምጉዓዝን መዓስከራት ጋዝ ምትካልን ዝሓቁፍ እዩ። እዚ ጻዕሪ እዚ ዓቕሚ ሃገር ተጠቒምካ ናይ ቴክኖሎጂ ሽግግር ንምምጻእ ዝተገብረ ምዃኑ ቀዳማይ ሚኒስትር ገሊጾም። ብተወሳኺ፡ ኣብ ነዳዲ ዘሎ ጥገኝነት ንምቅናስን ተጠቃምነት ተፈጥሮኣዊ ጋዝ ንምስፋሕን፡ 400 ሓደስቲ ብተፈጥሮኣዊ ጋዝ ዝሰርሓ አውቶቡሳት ኣብ ቀረባ እዋን ናብ ሃገር ከም ዝኣትዋ ተሓቢሩ።