ኢትዮ-ቴሌኮም የ4ጂ LTE አገልግሎትን በ80 ተጨማሪ ከተሞች አስጀመረ

ኢትዮ-ቴሌኮም የ4ጂ LTE የሞባይል ኔትወርክ አገልግሎትን በ80 ተጨማሪ ከተሞች ማስጀመሩን አስታውቋል። የኩባንያው ደንበኞች በየአካባቢያቸው ያለውን ፈጣን የኢንተርኔት አገልግሎት መጠቀም እንደሚችሉ ተገልጿል።

ተጠቃሚዎች የሞባይል ስልካቸውን ኔትወርክ ሞድ ወደ 'LTE/3G/2G (Auto connect)' በመቀየር አገልግሎቱን ማግኘት ይችላሉ። የሲም ካርዳቸው የ4ጂ ተኳኋኝነት ከሌለው ደንበኞች በአቅራቢያቸው በሚገኙ የኢትዮ-ቴሌኮም የአገልግሎት ማዕከላት በመሄድ ሲም ካርዳቸውን በነጻ ማስቀየር እና የጥቅል ስጦታ ማግኘት እንደሚችሉ ኩባንያው ገልጿል።