Itiyo-Telekoom tajaajila 4G LTE magaalota 80 dabalataatti eegale

Itiyo-Telekoom tajaajila neetworkii moobayilaa 4G LTE magaalota 80 dabalataatti eegaluusaa beeksiseera. Maamiltoonni naannoo isaaniitti tajaajila intarneetii saffisaa kanaan fayyadamuu akka danda'an ibsameera.

Fayyadamtoonni 'settings' moobayilaa isaanii gara 'LTE/3G/2G (Auto connect)' jijjiiruudhaan tajaajilichatti fayyadamuu danda'u. Yoo kaardiin SIM isaanii 4G hin deeggarre ta'e, maamiltoonni waajjira tajaajila Itiyo-Telekoomitti dhihoo jiru dhaquudhaan kaardii isaanii tola jijjiirrachuu fi kennaa paakeejii addaa argachuu akka danda'an dhaabbatichi beeksiseera.