Pireezidaantii duraanii Mulatu Teshomewaa'ee daangaa galaanaa fi hariiroo naannawaa irratti dubbatan

Pireezidaantii duraanii Dr. Mulatu Teshome gaaffiin daangaa galaanaa Itoophiyaa mirga seenaa fi dhimma jireenya diinagdee ta'uu ibsan. Masriin Itoophiyaa dadhabsiisuuf seenaa fayyadamuun Eertraan gargaaruun daangaa galaanaa akka dhabdu gochuu kan himan Dr. Mulatu, ammas Eertraa wajjin ta'uun Itoophiyaa diiguuf yaalaa akka jirtu himatan. Xalayaa akeekkachiisaa Muummeen Ministiraa Abiy Ahimad mootummaa Eertraaf kennan deggeruusaanii kan ibsan pireezidaantichi, Eertraan gocha ishee kan hin dhaabne taanaan Itoophiyaan akka biyyaatti jiraachuuf tarkaanfii fudhachuuf akka dirqamtu dubbatan. Itoophiyaan gaaffii daangaa galaanaa ishee karaa nagaa fi diippilomaasiin furuuf hojjechaa akka jirtu kan mirkaneessan Mulatu, hawaasni addunyaa gahee isaa akka bahu waamicha dhiyeessaniiru. Dhimmi kun yoo yeroodhaan hin furamne rakkoon naannawaa sun itti fufa jechuun akeekkachiisaniiru.