ቅዱስ ሲኖዶስ ብፁዕ አቡነ ሩፋኤልን ከኃላፊነት አንስቶ በገዳም እንዲቆዩ ወሰነ

የኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ ምልዓተ ጉባኤ፣ በአስተዳደራዊና ቀኖናዊ ጥፋት የተጠረጠሩትን ብፁዕ አቡነ ሩፋኤልን ከኃላፊነታቸው አንስቷል። ብፁዕነታቸው እስከ ግንቦት 2019 ዓ.ም ድረስ በየትኛውም ሀገረ ስብከት ሳይመደቡ በደብረ ሊባኖስ ገዳም በጸሎትና በሱባኤ እንዲቆዩ ተወስኗል። ከዚህ ውሳኔ በተጨማሪ፣ ብፁዕነታቸው በእጃቸው የነበሩ መኪኖችን ለጠቅላይ ቤተ ክህነት እንዲያስረክቡ የታዘዙ ሲሆን፣ የፋይናንስ ጉዳያቸውም ለቀጣዩ የርክበ ካህናት ምልዓተ ጉባኤ ታይቶ ውሳኔ እንዲያገኝ ተደርጓል።

በሌላ በኩል ቅዱስ ሲኖዶሱ ብፁዕ አቡነ ኤዎስጣቴዎስን የጋምቤላ ሀገረ ስብከትን በበላይነት እንዲመሩ ሾሟል። ብፁዕ አቡነ ኤዎስጣቴዎስ በአሁኑ ወቅት የምዕራብ ወለጋና የኢሉ አባቦራ አህጉረ ስብከትን በመምራት ላይ ይገኛሉ።