ኢትዮጵያ 11 አዳዲስ የኤሌክትሪክ ተሽከርካሪ ቻርጅ ማድረጊያ ጣቢያዎችን ስራ አስጀመረች

የኢትዮጵያ ኤሌክትሪክ አገልግሎት በአዲስ አበባ እና በክልል ከተሞች 11 አዳዲስ የኤሌክትሪክ ተሽከርካሪ ቻርጅ ማድረጊያ ጣቢያዎችን ስራ አስጀምሯል። በዚህም የሀገሪቱ አጠቃላይ ጣቢያዎች ቁጥር 14 የደረሰ ሲሆን በአንድ ጊዜ 150 ተሽከርካሪዎችን የማስተናገድ አቅም ተፈጥሯል። አዲሶቹ ጣቢያዎች በአዲስ አበባ፣ ቢሾፍቱ፣ ሞጆ፣ አዳማ፣ ባቱ እና ሀዋሳ ተገንብተዋል።

ተቋሙ የኃይል ፍጆታን ለመቆጣጠር በሶስት ደረጃ የተከፈለ የክፍያ ስርአት ዘርግቷል፤ ይህም በዝቅተኛ የፍጆታ ሰዓት 14.85 ብር፣ በመደበኛ ሰዓት 16.57 ብር እና በከፍተኛ የፍጆታ ሰዓት 18.28 ብር ለአንድ ኪሎ ዋት እንዲከፈል ይደረጋል። በቀጣይ በሁለት ምዕራፎች በ14 ተጨማሪ ከተሞች የቻርጅ ጣቢያዎችን ለማስፋፋት ዕቅድ ተይዟል። እስከ አሁን በኢትዮጵያ ወደ ሀገር ውስጥ የገቡ የኤሌክትሪክ ተሽከርካሪዎች ቁጥር 140 ሺህ መድረሱ ተገልጿል።