የትግራይ የባለ አደራ አመራሮች ምርጫ ወደ ማጠናቀቂያው ተቃርቧል

የትግራይ ክልል የባለ አደራ አመራሮች ምርጫ ወደ መጨረሻው ምዕራፍ መቃረቡ ተገለጸ። ባለፉት ሳምንታት በክልሉ በተለያዩ ዞኖችና ወረዳዎች ሲካሄድ የቆየው የምርጫ ሂደት አሁን ወደ ማዕከላዊ እና ሰሜን ምዕራብ ዞኖች ተዛምቷል። በዚህም መሰረት በአክሱም፣ ሽረ እንዳስላሴ እና ተምቤን ዓብዪ ዓዲ ከተሞች አዳዲስ የባለ አደራ አመራሮች በሕዝብ ድምፅ ተመርጠዋል።

ከዚህ በተጨማሪ በአድዋ ከተማ የተሻለ የፀጥታ ሁኔታ በመፈጠሩ የከተማ ፖሊስ ወደ ሥራው መመለሱ እና በቅርቡ ምርጫ እንደሚካሄድ ይጠበቃል። አብዛኛው የክልሉ አካባቢዎች በሀገር መከላከያ ሰራዊት እና በትግራይ ሰላም ኃይል ቁጥጥር ስር ሆነው ምርጫው እየተካሄደ መሆኑን መረጃዎች ያመለክታሉ።