የሞያሌ ግጭትን ለመፍታት የአገር ሽማግሌዎች እየጣሩ ነው

በሞያሌ ከተማ በክልል ባንዲራ አጠቃቀም ምክንያት የተቀሰቀሰው ግጭት 12ኛ ቀኑን የያዘ ሲሆን፣ ዛሬ የተኩስ ድምፅ አልተሰማም። ከኦሮሚያ እና ከሶማሊ ክልሎች የተውጣጡ የአገር ሽማግሌዎች ሰላም ለማስፈን ውይይት እያደረጉ ይገኛሉ። ሆኖም በማህበራዊ ሚዲያ የሚሰራጩ የጥላቻ ንግግሮች እና ዛቻዎች የሰላም ጥረቱን አስቸጋሪ እያደረጉት መሆኑን ነዋሪዎች ገልጸዋል። ከግጭቱ በመሸሽ ወደ 50 ሺህ የሚጠጉ ኢትዮጵያውያን ወደ ጋምቦ የተሻገሩ ሲሆን፣ አንዳንዶቹ በኬንያ መንግስት ወደ ስደተኞች መጠለያ ተወስደዋል። ነዋሪዎች ችግሩ በዘላቂነት ተፈቶ ስደተኞች ወደ ሀገራቸው እንዲመለሱ ጠይቀዋል።