Jaarsoliin biyyaa waldhabdee Moyalee furuuf carraaqaa jiru

Mormiin fi waldhabdeen magaalaa Moyalee keessatti faajjii naannoo waliin walqabatee ka'e guyyaa 12ffaa isaa qabateera, har'a garuu dhukaasni akka hin dhaga'amne jiraattonni dubbataniiru. Jaarsoliin biyyaa naannoo Oromiyaa fi Somaalee irraa walitti dhufan nagaa buusuuf mari'achaa jiru. Ta'us, miidiyaalee hawaasummaa irratti ergaawwan jibbaa fi doorsisaa darbaa jiran carraaqqii nagaa gufachiisaa jiraachuu jiraattonni ibsaniiru. Namoonni 50,000 ol ta'an waldhabdee kanaan baqachuun gara Gambootti kan qaxxaamuran yoo ta'u, muraasni isaanii mootummaa Keeniyaatiin gara buufata baqattootaatti geeffamaniiru. Jiraattonni rakkoon kun furamee baqattoonni akka gara biyyaatti deebi'an gaafataniiru.