የኢትዮጵያ መገናኛ ብዙኃን ባለሥልጣን የሪፖርተር ጋዜጣን ፈቃድ አገደ

የኢትዮጵያ መገናኛ ብዙኃን ባለሥልጣን የሪፖርተር (አማርኛ) እና ዘ ሪፖርተር (እንግሊዝኛ) ጋዜጦችን እንዲሁም የኦንላይን ስርጭታቸውን ላልተወሰነ ጊዜ ማገዱን አስታውቋል። ባለሥልጣኑ ከአንድ ዓመት በላይ ባደረገው ክትትል፣ ሚዲያው የሀገርን ብሔራዊ ጥቅም የሚጻረሩ፣ ሚዛናዊነት የጎደላቸው እና የሀገር ገጽታን የሚጎዱ ዘገባዎችን በተደጋጋሚ ሲያሰራጭ መቆየቱን ገልጿል።

ከዚህ ቀደም የባለሥልጣኑ አመራሮች ከሚዲያው ባለቤትና አዘጋጆች ጋር ተደጋጋሚ ውይይት በማድረግ ማስጠንቀቂያ ሰጥተው የነበረ ቢሆንም መሻሻል አለመታየቱን ተጠቁሟል። በዚህም መሠረት የህግና የሙያ ስነ-ምግባር ግዴታዎችን እስከሚያሟሉ ድረስ ከጥቅምት 23 ቀን 2019 ዓ.ም ጀምሮ እግዱ ተግባራዊ መሆኑ ተገልጿል።