በአማራ ክልል የጤና ባለሙያዎች ውዝፍ የትርፍ ሰዓት (ዱቲ) ክፍያ ወደ ኋላ ተመልሶ እንደማይከፈል ተገለጸ

በአማራ ክልል የጤና ቢሮ የጤና ባለሙያዎች የትርፍ ሰዓት (ዱቲ) ውዝፍ ክፍያ ወደ ኋላ ተመልሶ እንደማይከፈል ከፍተኛ አመራሩ ከተቋማት ኃላፊዎች ጋር ባደረጉት ስብሰባ መናገራቸውን ከድምጽ ማስረጃ ጋር የጤና ባለሙያዎች ለቲክቫህ ኢትዮጵያ ገለጹ። እንደ አመራሩ ገለጻ፣ አዲስ በጸደቀው መመሪያ መሠረት የትርፍ ሰዓት ክፍያ ከሐምሌ 1/2018 ዓ.ም ጀምሮ የሚተገበር ሲሆን ወደ ኋላ ያለ ውዝፍ ክፍያ አይኖርም። ለትርፍ ሰዓት ክፍያ የሚሆን 8.9 ቢሊዮን ብር በጀት የተፈቀደ ቢሆንም፣ ክፍያው የሚፈጸመው በየክፍሉ ከተከናወኑ የሌሊትና የትርፍ ሰዓት ሥራዎች ትክክለኛ መረጃ መሠረት ይሆናል ተብሏል።