Biiroon Fayyaa Naannoo Amaaraa Kaffaltiin Sa'aatii Dabalataa Duuti Duubatti Deebi'ee Kan Hin Kaffalamne Ta'uu Beeksise

Ogeeyyonni fayyaa Naannoo Amaaraa Sagaleedhaan qabamuun Biirichi kaffaltii sa'aatii dabalataa (duuti) duraan kaffalamuuf ture duubatti deebi'ee akka hin kaffalle kora hoggantoota dhaabbilee fayyaa waliin taasisan irratti dubbachuu isaanii Tikvah Itoophiyaaf ibsaniiru. Akka hoggansa olaanaa biirichaatitti, qajeelfama kaffaltii sa'aatii dabalataa haaraa bahe irratti hundaa'uudhaan kaffaltiin kun Adoolessa 1, 2018 E.C. irraa eegalee kan hojiirra oolu ta'a. Hanqina baajataatiin kan ka'e kaffaltiin duubatti hafe (backlog) kan hin kaffalamne ta'uufi deeggarsa baajataa naannoo fi federaala irraa argachuuf yaaliin taasifamus hangoftuu ta'uu dhabuu isaatiin hayyamamuu dhabuu ibsan. Kaffaltii sa'aatii dabalatatiif baajati waliigala birrii biliyoona 8.9—hospitaalotaaf birrii biliyoona 3.7 fi buufataalee fayyaaf birrii biliyoona 5.3—galii keessoo dhaabbilee irraa kan qophaa'e ta'uun ibsameera. Dhaabbileen kaffaltii kana hojiirra kan oolchan tajaajila dhugamaan kenname irretti hundaa'uudhaan malee baay'ina ogeeyyii qofa irratti hundaa'uu akka hin qabne aadaasaniiru. Kaffaltiin gara fuulduraa sadarkaa dhaabbataatiin fi sadarkaa balaa (risk) irratti hundaa'ee kan sakatta'amu ta'uunis hubachiisaniiru.