Ityoophiyaa Wiirtuu Loojistikiifi E-koomarsii Afrikaa Gochuuf Waltajjii Nannawaa Finfinneetti Eegale

Waltajjiin geejjibaa naannawa Afrikaa guyyoota sadiif turu kan Dhaabbata Maxxansaa Addunyaa (UPU) fi Maxxansaa Ityoophiyaatiin qophaa'e magaalaa Finfinneetti saaqameera. Waltajjii kana irratti hooggantoonni dhaabbata maxxansaa biyyoota Afrikaa, ogeeyyiin aviyeeshinii, hooggantoonni loojistikiifi bakka bu'oonni Daandii Qilleensa Ityoophiyaa hirmaachaa jiru. Mareen kun caasaa dhiyeessii e-koomarsiifi maxxansaa Afrikaa geejjiba qilleensaafi lafaa walitti qindeessuun hammayyeessuu irratti xiyyeeffata. Saaqinsa waltajjii kanaa irratti Hoogganaan Maxxansaa Ityoophiyaa Obbo Dagmaawii Haayilayyee fi Daayirektarri UPU Mutuwaa Mutusii dhiyeessii teeknoolojii e-koomarsii ilaalchisee dubbataniiru. Kaayyoon guddaan waltajjii kanaa networkii Daandii Qilleensa Ityoophiyaa fi Maxxansaa Ityoophiyaa walitti fiduun Ityoophiyaa wiirtuu loojistikii Afrikaa gochuudha. Waltajjiin kun daawwanna qabatamaa wiirtuu kaargo Daandii Qilleensa Ityoophiyaa fi wiirtuu jijjiirraa maxxansaa idil-addunyaa Maxxansaa Ityoophiyaatiin xumurama.