Aanaa Iroob keessatti namoonni 35,000 hongeen miidhaman

Aanaa Iroob, godina baha Tigraayitti argamu keessatti hongeen cimaan mudatee namoota 35,000 ol miidheera. Roobni bonaa gahaa ta'e waan hin roobneef boollonni bishaanii goganii, oomishni midhaanii badeera; kanaan walqabatee beeyladootnis du'aa jiru. Gandootni saddeet lafa tulluudhaafi dirreetti argaman gargaarsa ga'uuf rakkisaa ta'aniiru.

Naannichi bara 2013 waraanaan kan miidhame yoo ta'u, gandootni tokko tokko ammallee to'annoo waraana Eertiraa jala jiru. Jiraattonni nyaata, bishaanifi caccabsa beeyladootaa hatattamaan akka dhihaatuuf gaafachaa jiru. Dhaabbileen gargaarsaaafi namootni dhuunfaa gargaarsa gochuu jalqabanis, rakkoon jiru baay'ee cimaa waan ta'eef gargaarsi taasifamu ga'aa miti.