EHRCO hanqinaalee marii biyyaalessaa irratti mul'atan ifoomse

Waldaa dhaabbilee mirga namoomaa Itoophiyaa (EHRCO) marii biyyaalessaa dhiheenya kana gaggeeffame irratti hanqinaalee mul'atan ilaalchisee gabaasa jalqabaa ifoomseera. Qajeelchaan olaanaa waldaa kanaa Obbo Masuud Gabayyahu akka jedhanitti, daawwattoonni isaanii keessattuu dhimmoota wal-falmisiisoo ta'an kan akka dhimma Finfinnee irratti hirmaachuuf carraa akka hin arganne ibsaniiru. Kana malees, komishinichi qajeelfama sagalee kennuu baase guutummaatti hojiirra oolchuu dhabuun isaa fi dhimmoota ijoo kan akka Finfinnee, caasaa mootummaa fi alaabaa furmaata malee garee araaraatti darbuun isaanii hanqina akka ta'etti gabaasicha keessatti eerameera. Yaada dhiyaate 400 ol keessaa kan hedduun isaanii irratti waliigalteerra gahuus, dhimmoonni ijoo ta'an garuu harka wal-falmisiisoo ta'anii hafuun isaanii komishinichi sirna hordofuu dhabuu isaa akka agarsiisu waldaa kanaan ibsameera.