ኢሰመድህ ኣብ ሃገራዊ ምይይጥ ዝተራእዩ ጉድለታት ኣፍሊጡ

ማሕበር ማሕበራት መሰል ደቂ ሰባት ኢትዮጵያ (ኢሰመድህ) ኣብቲ ቀረባ እዋን ኣብ ዝተኻየደ ሃገራዊ ምይይጥ ዝተራእዩ ጉድለታት ዘጠቓለለ መባእታዊ ጸብጻብ ኣውጺኡ። ዋና ዳይሬክተር እቲ ማሕበር ኣቶ መሱድ ገበየሁ ከም ዝገለጽዎ፡ እቶም ማሕበር ዝመደቦም ተዓዘብቲ ብፍላይ ከም ጉዳይ ኣዲስ ኣበባ ዝበሉ ኣከራኻሪ ኣጀንዳታት ክዕዘቡ ከም ዘይክኣሉ ገሊጾም። ብተወሳኺ፡ ኮሚሽን ዘውጽኦ መምርሒ ድምጺ ምሃብ ምሉእ ብምሉእ ኣብ ግብሪ ከይወዓለን፡ ጉዳይ ኣዲስ ኣበባን ካልኦት ኣጀንዳታትን ብዘይ ፍታሕ ናብ ጉጅለ መተዓራረቒ ምቅራቦም ከም ጉድለት ኣብቲ ጸብጻብ ተጠቂሱ። ካብ ልዕሊ 400 ዝኾኑ መማክሪ ሓሳባት መብዛሕትኦም ስምምዕነት ተበጺሑሎም እኳ እንተኾነ፡ እቶም ቁልፊ ዝበሃሉ ኣጀንዳታት ብፍልልይ ምሓዞም ኮሚሽን ስርዓቱ ክሳብ መወዳእታ ዘይምኽታሉ ከም ዝኾነ እቲ ማሕበር ኣረዲኡ።