Arbaa Mincitti Lammiileen Eertiraa 32 fi Daddabrstoonni Namootaa 3 Qabaman

Magaalaa Arbaa Mincitti lammiileen Eertiraa 32 seeraan ala deddeebi'aa turanii fi daddabrstoonni namootaa 3, ogeessa konkolaachisaa fi konkolaataa dabalatee to'annoo jala ooluu isaanii poolisiin beeksiseera. Akka ajajaan Poolisii Magaalaa Arbaa Mincuu Komaandara Kibabaw Addaal jedhanitti, gareen kun giddu galeessa Itoophiyaarraa ka'uun karaa Arbaa Mincuu, Konsoo fi Jiinkaa gara Keeniyaatti ce'uuf socho'aa turan. Odeeffannoo hawaasaarraa dhiyaateen kutaalee magaalaa Siqallaa, ganda Nech Saar keessatti bakka isaan dhokatanitti qabaman. Lammiilee Eertiraa to'annoo jala oolan 32 keessaa dhiira 11, dubartoota 14 fi daa'imman 7 ti. Konkolaataan koodii 3-23042 AA ta'es to'atameera. Qorannoon kan itti fufu yoo ta'u, shakkamtoonni poolisii naannoof dabarsanii kennamuuf jira.