Abbaan Taayitaa Humna Elektirikii Itiyoophiyaa liqii Euro miiliyoona 400 hidha Koyshaaf daldalaa jira

Abbaan Taayitaa Humna Elektirikii Itiyoophiyaa hidha Koyshaaf liqii Euro miiliyoona 400 gurguddaa ta'e dhaabbilee liqii Xaaliyaanii waliin mari'achaa jiraachuu beeksise. Mariin kun kan jalqabame Dhaabbanni Maallaqa Addunyaa (IMF) hidhichaaf qofa liqii daldalaa akka fudhatu hayyamuun isaa booda. Ijaarsi hidha Koysha ammaan tana dhibbeentaa 77 irra kan ga'e yoo ta'u, dhaabbatichi bara baajataa 2019tti raawwii ijaarsichaa dhibbeentaa 87 irra ga'uufi guddina hidhichaas guutummaatti xumuruuf karoofateera. Baasii pirojektichaa waliigalaa Euro biliyoona 3 akka ta'e kan ibsame yoo ta'u, liqii Xaaliyaanii irraa argamu 400,000,000 kun ijaarsa hafe xumuruuf kan ooluudha. Hoji gaggeessaan olaanaa Abbaan Taayitaa Humna Elektirikii Itiyoophiyaa Injinar Ashebir Baalchaa, pirojekticharratti hanqinni baajataa cimaan jiraachuu ibsuun, hanqina maallaqaa hafe dhaabbatichi dandeettii ofiitiin uwwisuuf karoorsuu isaa himaniiru.