በዝናብ ወቅት እግረኞች ላይ ውሃ ረጭቶ ማለፍ እስከ 3 ዓመት በቀላል እስራት የሚያስቀጣ ወንጀል መሆኑ ተገለጸ

በክረምት ወቅት አሽከርካሪዎች መንገድ ላይ የተጠራቀመን የዝናብ ወይም የፍሳሽ ውሃ እግረኞች ላይ ረጭተው ማለፋቸው እስከ 3 ዓመት በቀላል እስራት ወይም በገንዘብ መቀጮ የሚያስቀጣ ወንጀል መሆኑን የህግ ባለሙያው አቶ ጥጋቡ ደሳለኝ ገልጸዋል። እንደዚህ ያሉ ድርጊቶች በቸልተኝነት የሚፈጸሙ የደንብ መተላለፍ ወንጀሎች ተደርገው በሚኒስትሮች ምክር ቤት የመንገድ ትራንስፖርት ደንብ እና በወንጀል ህጉ ተደንግገዋል። ተጎጂዎች የተሽከርካሪውን የሰሌዳ ቁጥር በመያዝ እና ምስክር በማቅረብ ለፖሊስ ማመልከት እንዲሁም በፍትሐብሔር ህግ ካሳ መጠየቅ እንደሚችሉ ተጠቅሷል።