Konkolaachiftoonni Bishaan Imaltoota Irra Waraaban Adabbii Hidhaa Hanga Waggaa 3 Saaxilamuu Danda'u

Waqtii roobaa keessatti konkolaachiftoonni bishaan roobaa ykn xuriidhaan imaltoota miilaa waraabanii darbuun seera Itoophiyaatiin yakka ta'uu ogeessi seeraa Obbo Xigaabuu Dasaalany ibsan. Akka ogeessi seeraa kun Tikvaah Itoophiyaaf ibsanitti, Seera Yakkaa RRDItiin Keeyyata 820 fi kantaa'aniin akkasumas Dambii Traanspoortii Daandii Mana Maree Ministeerotaatiin gochi dagannoodhaan raawwatamu kun hidhaa salphaa waggaa 3 hin caalleen ykn adabbii maallaqaatiin adabsiisa. Konkolaachiftoonni rakkoo dhangala'aa bishaanii ykn daandii sababa godhachuudhaan itti gaafatamummaa irraa bilisa ta'uu akka hin dandeenyees ibsameera. Dabalataanis, imaltoonni miidhaan irra ga'e qabeenya isaanii kan akka bilbilaa fi laaptooppii jalaa badaaf seera koodee siviliitiin kaffaltii beenyaa gaafachuu danda'u. Himannaa dhiheessuuf, namni miidhaan irra ga'e lakkoofsa gabatee konkolaatichaa qabachuun buufata poolisiitti gabaasuu fi ragaa ijaa dhiheessuu qaba. Ogeessi seeraa kun akka jedhanitti ragaawwan ijaa poolisiif ragaa kennan sirna haqaa deaggaraa jiru, konkolaachiftoonnis seera traafikaa kabajanii socho'uu qabu.