በአዲስ አበባ የመኪና ንግድ ዘርፍ ላይ ሰፊ የግብር ስወራ ተጋለጠ

የአዲስ አበባ ከተማ ገቢዎች ቢሮ በከተማዋ በሚገኙ የመኪና ንግድ ማዕከላትና ደላላዎች ላይ ባደረገው ምርመራ ከፍተኛ የግብር ስወራ መኖሩን አስታውቋል። በመኪና ንግድ የተሰማሩ አካላት የገቢ ግብርና የተጨማሪ እሴት ታክስ ግዴታቸውን በአግባቡ አልተወጡም ተብሏል። ይህንን ተከትሎ ሕጋዊ ፈቃድ የሌላቸውና በኮሚሽን የሚሰሩ የመኪና መሸጫዎች እንዲዘጉ ተደርጎ ነበር።

በአሁኑ ወቅት በተሻሻለ መመሪያ ሥራቸውን እንዲቀጥሉ የተፈቀደላቸው ሲሆን፣ አዲስ "Zero-Mile" መኪኖችን በግል ኮሚሽን መሸጥ ግን ተከልክሏል። አዳዲስ መኪኖችን የመሸጥ መብት ለሕጋዊ አስመጪዎች ብቻ የተሰጠ ሲሆን፣ ደላላዎች ማከናወን የሚችሉት ያገለገሉ መኪኖችን በኮሚሽን መሸጥ ወይም በራሳቸው ገዝተው መሸጥ ብቻ ነው። ሁሉም ነጋዴዎች አዲሱን የግብርና የንግድ ደንብ ማክበር እንደሚጠበቅባቸው ቢሮው ገልጿል።