Ministeerri Barnootaa Filannoo Dhaabbataa fi Saayinsii Barnoota Olaanoo Banuun Beeksise

Ministeerri Barnootaa Itoophiyaa barattoota qormaata xumura barnoota sadarkaa 2ffaa fudhatanii qabxii seensa barnoota olaanoo galmeessisan filannoo dhaabbata fi saayinsii barnoota isaanii akka galchan beeksiseera. Barattoonis filannoo isaanii Hagayya 28 hanga Qaammee 5, 2018 A.L.I tii toora internetii irratti galchuu danda'u. Barattoonni filannoo isaanii galchuuf gara mana barnootaa isaanii deemuu malee bakka jiranitti toora internetii student.ethernet.edu.et jedhamuun galchu danda'u. Ministeerichi barattoota haala addaa qabaniifis qajeelfama kennee jira. Barattoonni sababa fayyaatiin haala addaa qaban, qaama miidhamtoonni, lakkuu saala tokko qaban fi haadholiin daa'ima ji'a 6 gadi hoosisan ragaa seeraa barbaachisu walqabsiisuu akka qaban ibsameera. Adeemsi kun barattoonni dhaabbilee barnoota olaanoo fi saayinsii barnoota isaanii akka salphaatti akka filatan gargaara.