Yuunivarsiitiin Walaayittaa Sooddoo ibidda tasaa’e to’annoo jala oolche

Yuunivarsiitiin Walaayittaa Sooddoo ijaarsa Kolleejjii Saayinsii Hawaasaa keessatti ibidda ka'ee ture to'annoo jala oolchuu isaa beeksiseera. Preezidaantiin yuunivarsiitichaa Dr. Guuchee Guulee akka ibsanitti, ibiddisa ganama sa'aatii 10:00 irratti kan ka'e yoo ta'u, hanga kutaa isa ol aanaa ijaarsichaa qofa kan miidhe ta'uu ibsaniiru. Iddoon ibiddi itti ka'e sun gubbata fi foddaa ijaarsichaa kan miidhe ta'us, qabeenyi hedduun dursamee baafamuun isaa fi lubbuun namaa irra miidhaan gahuu isaa beekameera. Sababni ibiddichaa qoratamaa jiruus, namoonni naannichaa rakkoo elektirikii irraa kan ka'e ta'uu himu. Odeeffannoon miidiyaa hawaasaa irratti yuunivarsiitichi guutumatti gubachaa jira jedhame kijiba ta'uu fi ibiddisa to'atamee jiraachuu Tikvah Itiyoophiyaan mirkaneesseera.