የውጭ ጉዳይ ሚኒስቴር 'አታሼ' የሥራ መደብን አስመልክቶ ማብራሪያ ሰጠ

የውጭ ጉዳይ ሚኒስቴር በቅርቡ ላወጣው የ100 'አታሼ' (Attaché) ሠራተኞች ቅጥር ማስታወቂያ ማብራሪያ ሰጥቷል። ሚኒስቴሩ 'አታሼ' የጀማሪ የውጭ ግንኙነት አገልግሎት ባለሙያ የመነሻ ደረጃ መጠሪያ መሆኑን ገልጿል። ይህም ዲፕሎማቶች ከማደግቸው በፊት የሚጀምሩበት የመጀመሪያው የሙያ መሰላል መሆኑን አብራርቷል። በሌላ በኩል አመልካቾች ሲያነሱት የነበረው የመመዝገቢያ ሊንክ ችግር መስተካከሉን ሚኒስቴሩ አረጋግጧል። አዲስ የዲፕሎማቲክ ሹመት የሚፈልጉ ባለሙያዎች በተመደቡበት ዘርፍ የባህል፣ የሚዲያ ወይም የንግድ ዲፕሎማሲያዊ ሥራዎችን ያከናውናሉ። ቅጥር ለሚሹ አመልካቾች ምንም የሥራ ልምድ የማይጠይቅ ሲሆን በማንኛውም የትምህርት ዘርፍ የመጀመሪያ ዲግሪ በቂ ነው።