Ministeerri Dhimma Alaa waa'ee sadarkaa hojii 'Attache' ibsa kenne

Ministeerri Dhimma Alaa beeksisa hojii ogeeyyota 'Attache' 100 qaxaruuf baase ilaalchisee ibsa kenneera. Ministeerichi 'Attache' sadarkaa jalqabaa ogeessa tajaajila hariiroo alaa akka ta'e ibseera. Kunis sadarkaa hojii dippilomaatonni ittiin eegalanidha. Gama biraan, rakkoon liinkii galmee yeroo dheeraaf komatamaa ture akka furame ministeerichi mirkaneesseera. Ogeeyyoonni sadarkaa kanaan hojjetan, hojiiwwan dippilomaasii aadaa, miidiyaa fi daldalaa irratti leenji'u. Galmeen kun digrii jalqabaa qaban hundaaf kan baname yoo ta'u, muuxannoo hojii hin gaafatu.