በቦሌ ቡልቡላ የታገተችው ህፃን ፊዮና ሰለሞን በፖሊስ ተፈልጋ ከቤተሰቦቿ ጋር ተቀላቀለች

በቦሌ ቡልቡላ በቤት ሰራተኛዋ ታግታ 3 ሚሊዮን ብር ከተጠየቀባት በኋላ በፖሊስ ክትትል የተገኘችው ህፃን ፊዮና ሰለሞን ወደ ቤተሰቦቿ ተመልሳለች። ተጠርጣሪዋ መቅደስ ሞገድ ቀደም ሲል በቤት ሰራተኝነት ከሰራችበት ቤት በመሄድ ህፃኗን ከምትጫወትበት ቦታ አታላ በመውሰድ ወደ ጎንደር ከተማ ወስዳታለች። የአዲስ አበባ ፖሊስ ከሌሎች የፀጥታ አካላት ጋር በመተባበር ባደረገው ፍለጋ ተጠርጣሪዋን በቁጥጥር ስር በማዋል ህፃኗን በሰላም ለቤተሰቦቿ አስረክቧል። ፖሊስ ወላጆች የቤት ሰራተኞችን ሲቀጥሩ እና የልጆቻቸውን ውሎ ሲከታተሉ ጥንቃቄ እንዲያደርጉ አሳስቧል።