Daa'imni Butamte Fiona Solomoon Gondaarittii Qabamtee Maatii Isheetiif Deebifamte

Daa'imni Boolee Bulbulaatti hojjeftuu manaa kanaan dura bira hojjettaa turte dhiyeenya kanaan butamte Fiona Solomoon jedhamtu hojii humnaa poolisiitiin saalfamtee maatii isheetiif deebifamteetti. Suspectiin Mekdes Moges jedhamtu kanaan dura maatii daa'ima kana bira ji'a sadiif hojjettuu manaa ta'uun erga hojjettee booda eeyyama fudhattee baddeetu turte. Boodas michuu ishee tokko waliin deebitee bakka daa'imni tun taphattuu fudhattee baduun qarshii miliyoona 3 gaafatte. Maatiin daa'imattis sodaa irraa kan ka'e qarshii kuma 370 baankiidhaan galii taasisanii turan. Poolisiin Addis Ababaa hordoffii teeknoolojiifi qaamolee nageenyaa naannoo Amaaraa fi magaalaa Gondaar waliin taasisaniin shakkamtuu bosona yuunivarsiitii Gondaar keessatti to'annoo jala oolchaniiru. Daa'imni kunis nagaan magaalaa Finfinneetti deebifamteetti. Poolisiinis maatiin hojjettoota manaa yeroo qacaran fi bakka daa'imman isaanii oolan irratti eeggannoo cimaa akka taasisan dhaameera.