Ityoophiyaa Telee-koom bara baajataa kana qarshii biiliyoona 35 liqii kennuuf karoorfateera

Ityoophiyaa Telee-koom bara baajataa 2019 keessa Teleebir fayyadamuun maamilonni isaa qarshii biiliyoona 35.04 liqeeffachuu akka danda'an karoorsuu isaa beeksiseera. Dhaabbatichi walumaagalatti qusannoo qarshii biiliyoona 26.42 ga'uuf karoorfateera. Kana malees, lakkoofsa fayyadamtoota Teleebir miliyoona 7.1 dabaluun gara miliyoona 67.69tti ol guddisuuf hojjechaa jira. Bara baajataa kana keessa walumaagalatti gurgurtiin biiliyoona 4.99 akka raawwatamu kan eegamu yoo ta'u, kunis sirna dijitaalaatiin qabeenya qarshii tiraayiliyoona 7.4 akka socho'u ni taasisa.