Weellistuu Prominentii Ilfinash Qanoo Boqottee

Weellistuun aartii Afaan Oromootiin beekamtii guddaa qabdu Ilfinash Qanoo dhukkubaan yaalamaa osoo jirani har'a boqochuun isaanii ibsameera. Artist Ilfinash godina Wallagga Bahaa magaalaa Naqamtee bira bakka Siibuu Guutoo jedhamutti kan dhalatan yoo ta'u, bara 1969 E.C. eegalee qabsootti makaman. Isaanis waggoota hedduudhaaf sirboota qabsoo fi walaloowwan isaaniitiin mirga ummata Oromootiif falmaa turaniiru. Bulchiinsi Naannoo Oromiyaas gumaacha isaan aartii fayyadamuun qabsoo ummataa keessatti taasisaniif beekamtii fi kabaja guddaa kennaniiru. Artist Ilfinash waggoota hedduudhaaf biyya Norwey jiraachaa kan turan yoo ta'u, dhiyeenya kana gara biyya isaaniitti deebi'anii turan. Haata'u malee, dhukkuba isaanii yaalamaa osoo jirani har'a addunyaa kana irraa boqotaniiru.