Magaalaan Addis Ababa Ayyaanota Dhufaniif Dhiheessii Oomshaalee Bu'uuraa Qopheessuu Beeksiste

Koomishiniin Hojii Gamtaa Magaalaa Addis Ababa ayyaanota Enkutatash, Masqalaa fi Irreessaa dhufaniif dhiheessiin ooomshaalee bu'uuraa akka hin hir'anne qophiin taasifamuu beeksiseera. Akka Komishinara Muudamaa Shitaye Muhaammad jedhanitti, xaafii, daakuu adii, zayita, anqaaquu, lukkuu fi oomshaaleen bu'uuraa biroon gahaa ta'an akka dhihaataniif yuunionoota, waldaalee fayyadamtootaa fi oomishtoota waliin hojjetamaa jira. Keessattuu dhiheessii qullubbii diimaa ilaalchisee yuunionoota naannoolee waliin hidhata uumuun gara Addis Ababaatti dhiheessuuf kan hojjetamu yoo ta'u, yeroo ammaa waldaalee fayyadamtootaatiin birrii 60 hanga 65tti gurguramaa jira. Zayita ilaalchisee yuunionootaan guyyaatti kaartonni 2,000 hanga 4,000 ta'an gara waldaalee fayyadamtootaatti raabsamaa jiru. Oomshaaleen kunniin kutaalee magaalaa 11n keessatti baazaaroota qophaaniin, suuqiiwwan fayyadamtootaa 700 ol fi waldaalee fayyadamtootaa bu'uuraa 154n uummataaf kan dhihaatan ta'a. Dhiheessii foonii ilaalchisee fedhii ayyaanotaa uwwisuuf dhiheessitoota foonii 274 waliin mariin taasifameera.