Gatiin foonii magaala Finfinnee keessatti kiilogiraamii tokko 1200 irra ta'e

Komishiniin waldaalee hojii gamtaa magaala Finfinnee, foon kiilogiraamii tokko birrii 1,200 akka gurguramu murteesseera. Murteen kun kan darbe, komii hawaasni gatii darbee irratti kaasaa ture hordofee, abbootii qaxalla'ee 274 waliin mari'atamee fi qorannoo erga gaggeeffamee booda dha. Komishinichi, gatii murtaa'e olitti kan gurguran irratti tarkaanfiin kan fudhatamu ta'uu akeekkachiiseera. Kana malees, qaxalla'een qonnaan bultoota fi dhiyeessitoota beeyladaa waliin walitti hidhamuun dhiyeessiin akka madaalu hojjetamaa akka jiru ibsameera; amma ammaatti walitti hidhiinsi 7,000 ol ta'u uumamuus himameera.